Bus... kuch der ese hi

Bus... kuch der ese hi...

Damakte oss ki bund ko thaame,
har kali ye kehti hai,
Bus... kuch der ese hi...

Gungune baadal ki chaao me,
har jugnu chaand se kehta hai,

Bus... kuch der ese hi...

Baaho me liye sahil ko apne,
har lehar is manzar se kehti hai,

Bus... kuch der ese hi...

Meethe kwabose nahi bichadna chahta ye dil,

fir palke kar rahi saher se guzarish hai,

Bus... kuch der ese hi...

..............     sharat achary

Kuch Lamho Ki Baat.....

Bas Kuch lamho ki hi to baat hai...

Payal pehne un kadmo ki aas hai,
Pal bhar k deedar k aaj bhi mohtaj hai,
Phir dil ko sambhalte hue kehta hu,
Bas Kuch lamho ki hi to baat hai...

Un makhmali hoton k itne pass hai,
Saanso me ghul rahi unke saanso ki methas hai
Bahoon me simat jaaegi saari rena,
Bas Kuch lamho ki hi to baat hai...

Har pal tumhe paane ki pyaas hai,
Khwabo ki silwato me uljha ehsas hai,
Ab ruki hui har ek dhadkan me yehi ek vishwas hai,
Bas Kuch lamho ki hi to baat hai...



..............     sharat achary

Hota Shaayad...

Apne labose tere ashko ki nami chura leta... shaayad

Seeney se lagakar is zamanese chupa leta... shaayad

Us pal se thi na umeed itni,
            ki le leti zindgi ek maasoom karwat... shayad

Chandini raato me dil hatheli dekh aksar ye kehta hai,
               inhi haatho me tera saath hota..... shaayad

.............. sharat achary

Bheege Khwab

Bheege hue khwab ko sulajhne do zara,
Behte palo ko thamne do zara,
Naadan hai dil,
Har bund ise jee leno do zara !


..............sharat achary